3 كلمات وجعولى دماغى.....

فى موضوع محيرنى شوية قولت افضفض معاكم فيه

كل يوم بقعد مع نفسي شوية كدة واعد افكر افكر افكر

بفكر فى ايه معرفش

بس فى دايما 3 كلمات بيجوا على دماغي

وهما ايه ؟

اولا

الماضي

بفتكر الماضي دايما ومش بقدر انساه بفتكر الحلو منوا وبضحك وبتمنى عودته وبفتكر المؤلم منه بردوا وبحمد ربنا على نعمة النسيان

بس بحاول والله مفكرش فى الماضي كتير لانه خلاص وقت وعدى

بس للاسف فى ذكريات جميلة واشخاص غليين عليه اوى بقوا فى الماضي منهم جدتى الله يرحمها بجد مش قادرة انساها رغم مرور7 شهور على وفاتها مش هنكد عليكم
الله يرحمها ويسكنها فسيح جناته

ثانيا

الحاضر

بفكر دايما هل انا صح ولا غلط وبراجع نفسي فى حجات كتير بعملها

وبقول اعيش اليوم دة بالطول ولا بالعرض وزى متيجى وسعات ببقى نفسي اليوم يخلص ويجي بكرة بقة


ثالثا
المستقبل

اكيد طبعا المستقبل فى يد الله

لكن انا بفكر فيه كتيييير اوى

واكيد نفسي اعرف ايه اللى هيحصل فى المستقبل واكيد انتوا كمان كدة

لكن المستقبل فى علم الغيب سعات بكون خايفة اوى من المستقبل وسعات بكون عادى زى متيجى هيحصل ايخ اكتر من اللى حصل وسعات بقول لا ان شاء الله هيكون مستقبل جميل واللى بيخلينى اقول كدة هى ثقتى الكبيرة فى المولى عز وجل

مش عارفة ليه كتبتلكم الكلام دة بس يمكن انتوا كمان بتفكروا فى نفس الكلمات دى


عاوزة اعرف رايكم وال3 كلمات دول بيمثلولك ايه ؟

وهل تفكيري من وجهه نظركم صح ولا غلط وايه رايكم فى المقولتين دول وايهما تفضل


(أن علينا أن نعيش في حدود اليوم الذي نعيشه وخلاص )

(من ليس له ماضي ليس له حاضر وليس له مستقبل)

اسفة طولت عليكم
فى انتظار ارئكم

اولا ربنا يرحم جدتك وتكون فى الجنة يارب ثانيا الحاجات الحلوة هىا الى ليها حق نفتكرها واكيد احنا واى حد فى الدنيا دى بيكرة يفتكر الذكريات القديمة والمحزنة وىلا وادينا عايشىن وطبعا كلنا عاوزىن نعرف ممستقبلنا عامل ازاى بس احنا مش راح نقدر نعرف علم الغيب لان لو كل واحد عرف مستقبلة عامل ازاى مفيش حد هيعيش كويس مثلا لوحد عارف مستقبلة وحش اكيد هينتحر وشكرا على الموضوع دة